I Melanija Mešič ko mart hramosajli ko kursi baš korejaki čhib a ko dersi geli salde jek dromthaj pal gova čute pe ko digitalno sikljovipe.
Ko šuru sema skeptiko kaj šaj o kursi te ovol palo internet, numa trubul te vakjarav kaj ali mange lače i kherutni varijanta katar i siklana. Šaj te hramosarav man thaj ko aver kursi. Nakhlem but vakti me familijasa, trujal so keldam but khelina, sasa amen šajdipe te ha svako hape barabar, sar familija ki sinija so si but lačeste.
I khelin Sims si jek katar majpopularnikane khelina kaske so i Melanija irisajli napal but berša. Palem kheldem Sims napal berša pauza, a kana mangava sa te crdav man katar i tehnologija togaj drabarava sa. Ki polica dzarda man Memoare jeke gejšake katar Artur Golden pa ko agor drabardem la.
E Melanijake najsa kava avgo izolacija, sose anglal duj berš sasa la majrigorozno ko bolnicako kreveto.
Me nimangav o jevend, dzarava sa te avel o anglonilajpa ali mange phari i korkoriizolacija. Sa o saikerina si amenge paše on-line, katar kursora thaj fakulteteski siklana dzi ki bahlana sar so si filmora thaj performanse.Gndisarav kaj o manuša ani Kroacija ko šuru katar virusi ki Kina , nigndisarde kaj ka ovel gijate seriozikani situacija, phenda amenge.
Me em mo dat prepera ki rizikani kupa pa golese izolirisajlam anglal te ovel vakjardo.Edvaj dzardem sa kava te nakhel. Manglem te kontinuirisarav sa me aktivibasa e kursosa ki kojejaki čhib thaj sar so si planirimo piknik te hal pe korejako hape, numa pakjav kaj ka šaj te dzav ko koncerti e korejake kupake BTS ko juno.
