Ko šuru kataro mart kerdilo utsavalipe sebepi dzuvljenge resarina ki organizacija katar portali VoxFeminae thaj sasuitnipasko poduzeče Fierce Women kaj so sasa prezentirim panč dzuvlja
thaj heroine save so dije bari zor baš dzender jekja jekipe, nijami thaj socijalnikano nijami ani Kroacija ko nakhlo vakti. Pursakoja lije i redaktorka Dana Budisavljevič, i dizjakiri šerutni ki Glina Branka Bakšić Mitić, dzeni HGSS-a thaj instruktorka baš planiribe Tatjana Bračanov, i redaktorka Nora Krstulovič thaj o timi katar Dzuvljani kamra legardi katar koordinatorka Maja Mamula.
O pursakoja naj gova so si majdzanlo ki sahni kaja paramisi, gova so si majdzanlo ko kava ja aver čhani sakoja amendar kerel iranipe ko po ervajamneto. Sode majbut phanda amen gova si majšukar.O arakhibe thaj o buvljaripe o solidariteti thaj o nijamalipe savorenge amenge trubul te ovo barabarutni misija thaj naj nisavi norma ni kriterij ja pursako savo so ka vakjarel kaski bukji si majšukar thaj majdzanli. Thaj sar ko portali VoxFeminae.net sa panda, sakogive arakha neve dzuvlja save si, ja i historija kosla len ja o sakogivesipe nipindzarel len, si but dzuvlja save so najsa kate ki kaleberšeski nominacija. Numa kava si avgo berš so kera kava pursako thaj kerdam majšukar so šajsa te kera resursencar so sasa amen, a dijam lafi kaj sako berš ka kera te ovol majšukar thaj o čhani sar ka kida o nominacije thaj sar ka da len. O pursako del pe baš diso so kerel peko umal katar dzender jekhajekipe thaj sasuitnipasko nijamalipe kava berš sasa šerutni minsa kana kerda pe alusaripe , phenda amenge i Gabriela Ivanov, šerutni redaktorka ko VoxFeminae portali thaj dzeni katar fundavne K-zona.
Fierce Women, sasuitipaski khelin kerdi ko kedipe K Zona nišankerel thaj promovirisarel e dzuvljengo butikeripe ano sasuitnipe.“Darutne“ dzuvlja si saikerdo katar šovardeš karte orginalna umetnikane ilustririme portret thaj harne dzuvljane biografije save so kerde asari ko sasuitnipe ko turli umala.
I khelin saikerel dzene katar turli nacionalitetora thaj konfesije katar sahno sumnal thaj naj fokusirime salde ki Kroacija thaj salde trin dzuvlja si katar Kroacija andre ko špili katar sahno 60. Si than te alusarel pe dzuvli thaj te ovel so maj inkluzivno, gova ka kera ko avutne edicije katar kaja khelin.
Sar so dodzana, o deibe pursako baš beršeske Darutne dzuvlja – Fierce Women WoW Awards, si aktiviteti katar proekti Women on Women so barabar keren le Mesto žensk ani Slovenija, Tiiit Inc. ani Makedonija, Outlandish Theatre Platform ani Irska thaj o lipardoThan dzender thaj medijaki kultura K-zona ani Kroacija.
O dzuvlja thaj lengi buki najsa dikhle ni kana anglal biš berša pendzardem man e fundavne feministikane teorijasa ko Centro baš dzuvljane studie ano Zagreb thaj golese sasa kerdo o portali VoxFeminae.net.Numa bezehaske ni agive, kana e žurnalistengo Sindikati ani Kroacija dela dzi dzanipe kaj o dzuvlja ano televizijake habera ani Kroacija si salde 8 procentora, o hali naj pošukar.
Ivanov phenel kaj naj specifikane dzanipa kana ovol lafi e Romanjenge ko kroacijako sasuitnipe salde o fakti kajsi duplo diskriminirime andre ki familija thaj avri katar i familija ko sasuitnipe.
Sode so me dzanav,dzi akana ni jek Romani ni javisajli barabarbutikeribske. Ko šuru katar kava berš manglem te kera diso golesa thaj lijam than ko projekti Aris Roma so barabar keren čle Arterarij, Centro baš sansarale studije thaj Romano ternengo kedipe ani Kroacija. Sar kedipe savo so kerel bukji ko relevantnikane sasuitnipaske thaj kulturnikane pučipa CMS thaj Romano ternengo kedipe ani Kroacija alusarde amen te la than ko programo te yorarkera deš terne romane aktivistora, numa o terne romane aktivistora kana aluarena sa kedipa kaj so ka ovol len mentornikano deibe dumo, amen hutie amen, a amaro timi lošasajlo golese.
