Branko Dzurdzevič, prezidenti ko konsilij baš romane nacionalnikane minoritetenge ki komuna Darda, ikjarela sa pe ko korkoriizolacijake napija kerde katar I komuna. Ko tereni ikljola sa salde kana dena sa pe higienake sapunora dende katar saboresko prezententi Veljo Kajtazi thaj I prezidentka ko Romengo Khedipe ani Republika Kroacija “Kali Sara” Suzana Krčmar ko barabarbutikeribe e Kroacijake Lole trušulesa.
O avral ničalo hali savo so čuta e manušen te oven majsamale sasa karana baš leskiri gajljava sose si siklo sakana te del arka pe paše manušenge, o našajdipe te kerel vizita ko mahale kerela sa leske majphare o hali.
Zaruri si te phenav kaj sasa pharo te ove ki korkoriizolacija sose sako give sema siklo te kerav vizita ko mahale thaj te dav arka e manušenge sar so si konsultacie, hramovipe rodipa ja te pherel save te si obrascora te šaj te keren pumare nijamora, so našti te keren sose but institucije si phandle.
Phenda kaj o manuša ikjarena sa pe ko vakjarde napora baš korkoriizolacija thaj katar o khera ikljona sa salde kana trubula sa te kinen diso, ko bov ja ko doktori. Naštisa a ten a liparel I dar baš egzistencija thaj I dar katar šajdipe palem ten a iril pe o korona virusi.
Ulavdi dar ko manuša ni dikhlem, salde so pučena sa pe sode ka ikjarel i situacija sose darana sa baš pumari egzistencija . Anavjale, dzakerena sa te ovol disave publicirime bukja, te šaj te ovol len barem disave love te šaj te nakhen o vakti bi bukjako.
