E jekhajekh beršengo čhelalipe naj izolirimo priblemo, numa fenomeni savo so peravela e dživdipasko kvaliteti sahne khedinake, kerindoj darutni atmosfera, stresi thaj ankcioznost. E generacienge diferencie kerdon sa majsikade, a o psihologora den džidžanipe ko bajrardo emocionalnikano nastabiliteti ko čhave save so phareste ikljon ko agor e stresesa thaj si len pharipe ko keribe socijalnikane relacie thaj empatija.O Asari katar sasuitnikane džakeripa, kamjabesko idealiziribe džipherdeste andarel ko kala pharipa,a e pandemijake napora kerde bare nattidže. E jekhajekh beršengo čhelalipe si akharipe baši arka, sar katar viktimi gijate thaj katar agresori. O nattidže šaj te oven but phare - katar emocionalnikane thaj mentalnikane problemora dži suisidna gndipa thaj mudaripe. I rehabilitacija si lungovaktesko thaj bidžanlo procesi, gova sebepi o nahtari si ko preveniribe. Naj gola čhave kolendar so ka distancirisara amen sar katar izolirimo thaj dur čhipota. Sakana gova si čhave save so bešena ko amaro pašipe. O tekstora si kerde ko pervazora katar proekti baši žurnalistikako promoviribe savo so kerel le i Agencija bašo elektronikane medie.
