I humanitarnikani buti thaj o sansaralipe ko post-jugoslavijake thana kerena jekh džanlo kotor katar džuvljano(pakjaipasko) aktivizmo thaj maškarpakjaipasko dijalogo thaj butikeripe. Ko konteksti katar politikano thaj ekonomikane tranzicie thaj o narativi katar (re)tradicionalizacijake rolje ko ulavde teologikane thaj vigjanale džanle džuvlja sakoja lendar ki peri tradicijaki religija, a napal barabarutno butikeripe promovirisaren o džender jekhajekhipe, sar tkivo katar džanle pakjaioaske tekstora. O lafikerutne andari Kroacija, Bosna thaj Hercegovina, Srbija thaj Makedonija intervjuiribasa lena than ko dijalogo ko konektiribe teologikano gndipe thaj sasuitnipasko butikeripe so kerela o fokus katar lengi teorija thaj praksa, numa thaj e teologijako patrijahalnikano ulavipe thaj o nattidže katar teologijake gnde baši o džuvlja. O tekstora kerdile ko pervazora katar o proekto baši žurnalistikano promoviripe savo so si kerdo katari Agencija baši elektronikane medie.
