O proekto I stand up for you/I stand up for yourself, savo so astarda o dujto pursako ko kale beršesko SozialMarie, si jekhutno, inovativnikano thaj artistikano keribe takati te na mukel pe o seksualnikano istemalkeripe thaj kinobikinibe manušencar prekal teatroske performanse thaj dranmake bukjarne kamre save so vazden o korkori lacharipe. O programi kerde le trin biradžakere organizacie-KV Teatar, teatro savo so si baši nevevakteske džuvljane problemora thaj napučakerde tabu teme, kaske so butikeripa si upri finda taro aktivnikano sasuitnipasko angažmani ko arti; Horizon Group, biathinali teatroski kupa kaski so misija si te keren majbaro solidariteti ko ungarijako sasuitnipe. Pakjan ki rolja thaj arteski dajatva te keren iranipe ko sasuitnipe, a lenge savalija si te zorarkeren pe o individualnikane thaj kolektivnikane korkorirefleksie soske o dživdipe si ko sasto thaj lošalo sasuitnipe ko amaro barabarutno interesi, i Fondacija ‘Anonymous Ways’, biradžaki organizacija savi so del rehabilitacijako programi ko 12 hape baši prostitucijake viktimija ko lenge šeltera.O programi dija šajdipe baši terenesko ekspiriensi ko minsako vazdipe maškar strukake manuša ko rodipe ikljovipe baši viktimija.
O seksualnikano istemalkeripe thaj kinobikinibe manušencar si sa majbari sasuitnipaski priovokacija. Ivet Feuer, akterka thaj teatrosko pedagogo si aktivno ki kupa Horizont, vakjarel kaj ani Ungarija truja 23.000 čhave save so baron telo raštrako arakhipe telo bajrardo riziko katar kinobikinipe manušencar thaj prostitucija arakhen pe pharipasa ko sasuitnipasko integriripe. Ani Ungarija naj sasuitnipasko trasiribe thaj solidariteti mujal o problemo. I ideja te kerel pe o proekto savo so kerel buti pal kala pučiba avili katar jekh žurnalistka. Gova dija amen inspiracija te kera thaj te buvljara teataresko performansi bukjarne kamrencar ki sahni phuv, performansi kaj so o sasuitnipasko pučarkeripe si kotor katar kreativnikano proceso, a resarinaki kupa si čhave thaj phureder persone save so si inkludirime. Sahno vakti i resarin si te kerel pe prevencija thaj sasuitnipaski senzibilizacija. Lijam te kera buti bare kherencar baši čhave save so naj len saporto katar purabalo kotor tari phuv, ko Nirszolos, thaj ko jekh vakti te kerel pe materijali baši performansi thaj te kerel pe sasuitnipasko pučarkeripe.
Ko pučipe baši percepcija e kamipaske ko vjavahari “kamlo -manglo” thaj viktimi, vakjaren kaj gasavo khamipe naj, thaj gova si majphareste te oven minsale o viktimija. Gova si prekjeripe, metoda kana avel pe paše dži viktimi thaj kerel pe kaj si ‘kamlo’ te šaj te astarel e viktimesko pakjaipe. A ov si makro thaj sa so mangel si salde panda jek pleni kolestar so ka zaradil love. Hohavel, lukavo si thaj čivel e viktime emotivnikane te phandel pe thaj te ovel lestar athinalo. Gova si but bari mamka. Kate naj nisavo kamime.
Katar 2018. berš, vakjarel Feuer, i nacionalnikani policija si kludutno partneri ko organiziribe konferencija baši kriminaliteti thaj viktimengo arakhipe thaj te del pe finansie e neve resarinake kupake (policijake) rigatar katar Ministeriumi baši andrune bukja. Kerdam bukjarni kamra ulavdeste baši policajcora, uče thaj telune činoncar, resarinasa te kerel pe majbaro senzibiliteti mujal o viktimija thaj te kerel pe o sahno policijako stavi. Trujal gova so sakana si zaruri baro angažmani kana kerel pe lafi baši kaja tema, numa majbut si dikhlo o proekto kana ka lel pursako. O Ministeriumi baši andrune bukja kerda phanlo lafi baš panda 30 performanse dži agor katar 2026. berš. ‘Anonymous Ways’ ničaleste keren kampanje te šaj te keren sama thaj te kiden pe so majbut love baši o viktimija. Naj man evidenti sode terne čhaja roden arka, numa fakti si kaj e performansesa thaj e bukjarne kamrencar resa dži so majbaro gendo terne te baron o šanse baši prevencija-so si klidutno.
