Katar i kedin e kedinake-Phutardi romani sekcija community ki libroteka „ROJCBook“

  • HrvatskiHrvatski
  • 0
    86
    Foto: Savez udruga Rojc

    Ko maškar katar februari putardi si i romani sekcija community  ki libroteka „ROJCBook“  ko kedinako centro Rojc ani Pula kaske so i centralnikani  Romengi biblioteka  ani Republika Kroacija donirisarda trujal trišel thaj pinda lila  ikalde katar Romengi Kedin ani Republika Kroacija „KALI SARA“ thaj avera lila.

    Sar so phenda amenge ko lafikeripe o Jan Franjul k.atar  kedinengo Sjuzi Rojc i ideja te kerel pe i romani sekcija ki libroteka avili katar volontera Igor Zenzerovič thaj Velija Husein, prezidenti ki Romengi organizacija katar Istra Pula. Palo lenge lafikeriba šurarkerda i komunikacija e e Romane kedinasa „KALI SARA“,savo so donirisarda lila ki romani čhib, numa thaj lila baš oi Roma thaj romani kultura ko avera čhiba. Ko  gasavo čhani  e Romengi organizacija katar Istra Pula donirisarda šel lila , a e RKRK “KALI SARA“ pobut katar tišel lila. E lavzakoncar, rulbukola (pripučnik), strijkake časopšisora  thaj lila ki romani čhib, ko pervazora katar donacija “ROJCbook” kerdilo majbarvalo bute lilencar katar romane hramara, dromenge hramovoba, monografija e romano arti thaj kiltura  thaj romani kultura ko averenge čhiba. Ko police katar community liljarutni “ROJCbook”, arakhen pe lila thaj strukake časopisora thaj rulbukora ko avera čhiba sar anhlikani, germanijaki thaj  italijaki čhib.

    O korneri katar romani libroteka ani Pula, ko Rojci ka kerel takati te ovel sinergijako than thaj informaciengi haing, materijali katar so ka šaj te dikhen pe e i historija thaj te dikhel pe  e Romane džianesko bajroipe, lesko dromaripe, sas so crdija  thaj sa so resarda ko nakhle zamanora. I liljarutni ka ovel interdisciplinarnikano than kaj so tramoisaren pe informacie thaj džanlipe, kulturako thaj  čipitengo centri. Kale librotekako phutaribe i Istra, Pula thaj Rojc sikade multikulturaliteti ko kava mašjkar so me sakana ašarav le (hvalim). I libroteka ka ovel than kaj so aka arakhel pe o romano identiteto, čhib,  i kultura numa thaj simboli baš tolerancija  thaj barabarutnipe, zarurimo te kerel pe jek majšukar sasuitnipe savo so inkludisarel savoren amen, phenda o Veli Huseini ko phutaribe e romane sekcijake.

    Community libroteka “ROJCbook”kerdili pali inicijativa  katar lengi  volonterka Alessie Krivičič. Savi so ko organizaciengo Kedipe Rojca  kerel bukji ko pervazora katar programo Evropake solidarnikane takata. Avindoj ko Rojs i Alessia arakhla but lila save so o dizutne beršencar donirina sa len, numa ko nisavo čhani najsa  istemalkerde. Arkasa katar avera volontera save so keren bukji ko ko organizaciengo Kedipe Rojca, šurarkerde te hramosaren len thaj te sistematizirisaren o lila. Sa o lila hramosarde len thaj čute lenge QR kodora te šaj te dikhel pe lengo hali. Palo trin masekora bukji, i libroteka sasa putardi  paraštuj 27. novembro  2020.berš.

    Baro nujmero katar o dizutne ule džene ki libroteka, numa sebepi o napora baš arakhipe katar i pandemija, sa panda ni dživdisajlo o aktiviteti ani libroteka gijate sar so savore amen manga-sar thankaj so kida amen thaj te kera amalipe e lilencar thaj sebepi o lila. O numero katar donacie katar librotekako putaribe sa majbut barola sa gijate so akana si pobut katar duj milja lila ko police. O dženalipe ki libroteka si bilovengo thaj savore sa mangen te oven džene, gova šaj te keren le salde so ka aven ko Divesko ačoipe Rojca, ko bukjarne divesa katar 10 dži 20 o ari. I libroteka ni pokinel o dženalipe, a e lilengo leibe si muklo ko manušengo pakjaibe. “ROJCbook” si avgo  community libroteka kotor katar amari kedin thaj te šaj te barol thaj te funkcionirisarel, zaruri si savore amen te ovel amen lake gajlja,      phenda o Franjul.

    Ponodorigate pučarda amenge sar kava berš, savo so o Ministeriumi baš  kultura thaj medie vakjarde le sar berš brabaribaske, planirisaren turli aktivitetora ki Rojca. Ko pervazora katar evropakere proektora R.O.J.C.:Bajrara – Šajdisara – ZorarkeraMoljakera šurarkjerde te keren programo Liljarutne  rakja ko Divesko save so si le resarin te prezentirisarel terne auktoren thaj aukterken. Ko barabar butikeripe e Romenge organizacijasa Istra Pula, planirisaren te keren vorkšopora thaj drabaripe ki romani čhib thaj te prezentirisaren o romano liljarutnipe.

    I resarin katar i libroteka si  te prezentiril pe i sahni kedin, thaj te sikavel pe e kedinako barvalipe savi si phandli pluralizmesa thaj multikulturasa. Ko nanipe kulturnikane programe save so ikjaren pe ko džuvdo, o drsbaripoe čuta pe sar diso majzoralo čhani te pendžaren pe neve ideje, kultura, adetora thaj manušikane paramisa. Korkori golesa  si thaj o džanlipe katar community libroteke sa panda zoraleste sikavde.

    Komentiraj

    Unesite svoj komentar
    Unesite svoje ime