Phralipen #korkoriizolacija – Edis Galuši

  • HrvatskiHrvatski
  • 0
    84
    Foto: Edis Galushi

    Edis Galuši sakana mangela sa te kerel hape. Kana studirila sa, kana sasa le majbut vakti, kerela sa turli habenja thaj gijate sakana hala sa taze hape. Thaj o majlokhe habenja e Galušeske kahandena sa ko kher.

    Kana agorsardem o studije thaj dijem ko sumnal“istarde manuša“ činadem te kerav hape, numa akana sako give kerav hape. But lačo hoši si te ove ani keravin thaj te vastencar te kere diso ko so ka ovel lače savorenge ki ti familija. Thaj kana naj sem šerutno so kerel hape, sakana dev arka te kerel pe hape.

    O Galuši trujal so kerel hape, vov si thaj protagonisto ko teatro. Lesko performansi, savo so si sikado kana misafira sasa o romano teatro katar Prizren, sasa amen šajdipe te dikha le ko Muzej baš nevevaktesko arti nakhlo berš sebepi Sumnalesko give e romane čhibake, a o dzaipe ko drom si lesko sakogivesipe. Liparel kaj i korkoriizolacija najsa leske phari thaj istemalkerda o vakti te dajanil katar sakogiveso stresno dzuvdipasko čhani.

    O lače dakikora ki mi familija ule majbut. Trujal gova i kedin uli majminsali ko ikeribe majbari higiena thaj te oven gajlelije korkori peske thaj e manušenge trujal lende. A me ulem minsalo ko mngre haipaske mangina sose tek akšameske havasa o sabaluko. Sa čuvava sa anglal mo sastipe. Kana sa kava ka agorkerel  ka pijav majmudro i kafava bi stresesko. I natura ka ovol mange majbaro dosti.

    Komentiraj

    Unesite svoj komentar
    Unesite svoje ime