Andrijana Mikulovič sakana arakhela sa vakti te kerel gova so mangel, a ko vakti katar korkoriizolacija sasa la šajdipe te kerel kola bukja majbare samasa.
Po vakti nakhada le dikhindoj filmora, siklili sar te šminkosarel, hazrikerela sa o egzemenora thaj lela sa than ko internet arakhiba, numa po majbaro vakti nakhada le ko drabaripe turli literature.
Lendoj anglo dikhipe kaj mo suno si jek give te ovol man mngri kherutni libroteka, kinav lila sakana si man golese šajdipe. Gijate si man trujal tranda lila save so panda nidrabardem len.
Goran Petrovič phenda kaj leski nostalgija ulavde bukjengje najsa gijate bari sose I korkoriizolacija sasala jekutni barabarutni resarin.
Sahni situacija najsa gija phari sose sasa dzanlipastar te arakhen pe so majbut dzivdipa thaj te na mukel pet te buvljol I zaraza golesa so ka ačova khere.
Po vakti nakhela sa le treningosa te bašalel gitara, hazrikerindoj pe bašalel pe bendosa, dikhindoj filmora, turli khelina ko sasuitnipaske sepetke thaj kerindoj bukjikheraldan. Sar sa o terne save so nakhena sa pumaro vakti avri, falinasa leske o kedipa pe kolegencar, amala thaj o treningora ano Trening centro.
